Governu TL Ameasadu Selu Milloens $320 ba Kompanhia Lighthouse Corporation

DILI – Governu Timor – Leste oras ne’e ameasadu hela hodi selu osan hamutuk milloes $320 ba kompanhia internasional Australia, Lighthouse Corporation Pty Ltd no Lighthouse Corporation Ltd IBC  bainhira lakon iha Tribunal.

  

Bazeia ba informasaun offisial ne’ebe Timor Post asesu husi https://icsid.worldbank.org/en/Pages/cases/casedetail.aspx?CaseNo=ARB%2f15%2f2, https://www.facebook.com/permalink.php?story_fbid=392978817528236&id=283877131771739 katak kompanhia ne’e rezistu ona kazu kontra governu Timor – Leste iha International Center for Settlement of Investment Disputes (ICSID) desde loron 14 Janeiru 2015 ho numeru rezistu ICSID Case No. ARB/15/2.

Lighthouse Corporation Pty. Ltd. hari iha tinan 1998. Kompanhia ne’e nia lina bisnis inklui oferese mina no gas lokaliza iha L 17 500 Collins St Melbourne, 3000, Australia.

Informasaun ofisial ida husi Palasiu Prezidente katak, kompanhia ne’e sei hato’o assuntu ne’e ba Prezidente Republika, Taur Matan Ruak segunda ohin.

Parte ne’ebe halo reklama mak Johnson Winter & Slattery husi Sydney, Australia no parte ne’ebe responsabiliza mak Primeiru Ministru RDTL ho nia Sekretariu Estadu ba assuntu Eletrisidade nian. Estatutu ba kazu ne’e sei pendente hela.

Lighthouse Corporation Pty Ltd and Lighthouse Corporation Ltd, IBC v. Democratic Republic of Timor-Leste (ICSID Case No. ARB/15/2).

Proceeding	Procedural Details
Subject of Dispute	Fuel Supply Agreement
Economic Sector	Electric Power & Other Energy
Instrument(s) Invoked	Contract, Investment Law Timor – Leste (2005)
Applicable Rules	ICSID Convention - Arbitration Rules
Claimant(s) Nationality(ies)	Lighthouse Corporation Ltd, IBC (Seychelles),Lighthouse Corporation Pty Ltd (Australian)
Respondent(s):	Democratic Republic of Timor-Leste
Date Registered:	January 14, 2015
Date of Constitution of Tribunal:	August 7, 2015
Composition of Tribunal President	Gabrielle KAUFMANN-KOHLER (Swiss) - Appointed by Co-Arbitrators
Arbitrators:	Stephen JAGUSCH (New Zealand) - Appointed by the Claimant(s) Campbell Alan McLACHLAN (New Zealand) - Appointed by the Respondent(s)
Party Representatives Claimant(s):	Johnson Winter & Slattery, Sydney, Australia Chester Brown, Sydney, Australia John H. Karkar QC, Melbourne, Australia
Respondent(s):	DLA Piper, Brisbane, Australia Jonathan Kay Hoyle, Sydney, Australia Shane Doyle QC, Brisbane, Australia
Language(s) of Proceeding:	English
Status of Proceeding:	Pending (the Respondent files a reply on jurisdiction on December 16, 2016)

   

Entretantu, iha tinan 2014, governu desidi kompanhia SAKOM Energia Lda mak supply kombustivel ba sentral eletrika Hera no Betano. Nain ba empreza SAKOM ne’e mak Abilio de Araujo.

Hafoin manan projetu ne’e, iha loron 2 Abril 2014, Abilio Araujo aluga ro’o MT Royal Natura lori kombustivel husi Singapura halo deskaregamente iha sentral eletrika Hera – Dili. Durasaun ba kontratu ne’e fulan sia (9) de’it. Hahu iha loron 1 Abril 2014 no remata iha 31 Dezembru 2014. (oki)

A version of this article appears in print on January 23, 2017, on page 19 of the Timor Post edition with the headline:  Governu TL Ameasadu Selu Milloens $320 ba Kompanhia Lighthouse Corporation