Posting ka Lalika, Post?

Posting ka Lalika, Post?

Editor ezekutivu Washington Post Marty Baron. (AP Photo/Brian Witte)

Problema ida ne’ebé komplikadu liu ba redasaun sira hasoru iha tempu ohin loron mak konduta jornalista sira iha media sosial, liliu iha Twitter no Facebook. 

Ida ne’e mak ha’u hakarak hatete: Jornalista ida posting assuntu ida kontroversiu kona-bá notisia. Jornalista ne’e hato’o sira nia opiniaun rasik? Ka reprezenta instituisaun media ne’ebé sira serbisu ba? 

Ida ne’e akontese dala barak ona, maibé ijemplu boot ida hosi ne’e mak Jemele Hill, bainhira nia serbisu iha ESPN iha tinan 2017, nia hakerek iha nia status Twitter katak Prezidente Donald Trump nu’udar “Supremasista Mutin” ka White Supremacist. Nia espresa nia opiniaun pessoal ba nia maluk follower sira ka nia sempre iha relojiu nu’udar jornalista ESPN?

Iha artigu ida The undefeated hafoin kontroversiu ne’e, Hill hakerek, “Sim, ha’u nia serbisu mak fornese komentariu desportu no notisia. Maibé bainhira mak ha’u nia dever relasaun ho ha’u nia serbisu hotu no ha’u nia direitu pessoal hahu? Honestu de’it ha’u lahatene resposta ba ida ne’e.”  

Ida ne’e mak ita, liu tiha tinan tolu, liña sira sei borada hela. Foin mak iha semana ne’e, kontroversia seluk nakfera tan bainhira jornalista Washington Post hetan suspensaun tanba de’it posting iha nia status Twitter kona-bá kazu alegasaun estupro tinan 2003 kontra jogador basket Kobe Bryant immediate notisia mosu katak Bryant mate iha asidente helikópteru.

Jornalista Felicia Sonmez brevemente hetan suspensaun kuandu Washington Post investiga katak nia viola ka la viola politika media sosial kompañia nian. Editor ezekutivu Washington Post Marty Baron hirus Sonmez liuhosi email ida, hatete katak, ninia status iha Twitter ne’e laiha julgamento no katak nia “hakanek instituisaun ne’e tanba halo ida ne’e.”

Ikus mai, Washington Post desidi katak Sonmez la viola politika saida de’it no nia tama hikas serbisu nu’udar jornalista. Maibé kontroversia kontinua.

Iha loron Kinta, jornalista CNN, Oliver Darcy simu memo naruk ida hosi Baron ba jornalista Washington Post.

“Ami lakohi atividade media sosial sai obstaklu, no ami lakohi ida ne’e fó impresaun sala ba ami nia durasaun tempu ba kobertura,” hakerek Baron. “La fasil atu hatene iha ne’ebé mak tenke dada liña.”

Memo pájina tolu ne’e laiha lia-fuan ida husu deskulpa hosi Baron ba Sonmez no jornalista sira seluk kona-bá oinsa Washington Post rezolve insidente ne’e. Dalaruma tanba ida ne’e mak Washington Post, hanesan kuaje kada organizasaun notisia ida iha liur ne’eba, seidauk iha serteza kona-bá saida mak loos no sala, apropriadu ka inapropriadu, aseitavel-suspensaun digno bainhira mai iha media sosial. Até Baron hatete iha nia memo katak ne’e hotu “merese ba diskusaun kontinua” no katak nia hakarak jornalista sira hola parte iha diskusaun ne’e.

Baron hakerek katak ho media sosial, Washington Post tenke hanoin ida ne’e: “(1) Reputasaun Washington Post tenke prevalese desejo kada individu atu expressa. (2) Ita tenke koidadu no kontensaun.”

Ho lia-fuan seluk, dalaruma Baron hakarak hatete ba nia jornalista sira atu uja sira nia ulun hodi sai matenek, koidadu ho sira nia lia-fuan, labele hatete buat ida ne’ebé hamosu problema. 

Tama iha kakutak … to’o ita boot konsiente katak saida mak ema ruma konsidera nu’udar validade ne’ebé dalaruma la apropriadu ba ema seluk. Afinal, ida ne’e mak akontese iha Washington Post?

Menos que bainhira kompañia media bandu ninia jornalista sira labele hakerek buat ruma iha sira konta Twitter, ida ne’e mak problema ne’ebé sei laiha rohan. 
Notisia update hosi The Poynter Institute.